Биыл қаңтар айында америкалық Uber компаниясы такси жүргізушілері үшін Tesla электрмобильдеріне тапсырыс беруге шешім қабылдады. Алайда қазіргі таңда «Илон Масктың машиналары» тек Америка нарығы үшін сатып алынатыны белгілі болды. Ал барлық қалған елдер үшін «аспан асты елінің» техникасын сатып алуға шешім қабылданды.

Жаңа электр паркі алдымен еуропалық және латын америкалық такси жүргізушілері үшін қолжетімді болады, мұнда «аспан асты елінің» машиналарын пайдаланушылар техникалық қызмет көрсетуге, лизингке және басқа қызметтерге айтарлықтай жеңілдіктер алады.

Жаңа серіктестердің жоспарында өзара ынтымақтастықты кеңейту тұр. Атап айтқанда, Қытайдың аккумулятормен жүретін көліктері жақын арада Таяу Шығыс, Канада, Аустралия және Жаңа Зеландия елдерінің такси парктерінде пайда болады.

Бір қызығы – Uber BYD-ге пилотсыз көлік жүргізу технологиясын жетілдіруге көмектеседі, өйткені такси жүргізушілері миллиондаған шақырым жол жүреді, демек, олар жасанды интеллектіні үйрете алады.

Дереккөз: https://auto.rambler.ru/news/53178699-marka-byd-podstavila-podnozhku-kompanii-tesla/